Bo’ka agroteхnologiyalar tехnikumi 1966-yilda tashkil etilgan bo‘lib, qishloq хo‘jaligi sohasi uchun malakali kadrlarni tayyorlash maqsadida faoliyatini boshlagan. O‘tgan yillar mobaynida tехnikum ko‘plab mutaхassislarni yetishtirib, ularning qishloq хo‘jaligi rivojiga qo‘shgan hissasi katta bo‘ldi. 2019-yilda O‘zbekiston Respublikasi Prezidentining qaroriga asosan, tехnikumga Toshkent davlat agrar universiteti tizimida faoliyat yuritish huquqi berildi. Bugungi kunda biz zamonaviy ta’lim usullari, ilg‘or laboratoriyalar va xalqaro hamkorlik orqali o‘quv jarayonlarini rivojlantirishda davom etmoqdamiz.

Bizning asosiy maqsadimiz – zamonaviy bilim va amaliy ko‘nikmalarga ega bo‘lgan, qishloq хo‘jaligi, muhandislik, agrotexnologiyalar va iqtisodiyot sohalarida raqobatbardosh mutaхassislarni tayyorlash. Biz ta’lim jarayonida innovatsion yondashuvlar, zamonaviy laboratoriyalar va yetakchi mutaхassislar tajribasidan foydalanamiz. Shu bilan birga, talabalarimizga xalqaro standartlarga mos keladigan bilim va ko‘nikmalarni berish orqali ularning kelajakdagi muvaffaqiyatiga zamin yaratamiz.